Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Un estudiu sofitáu pol Ayuntamientu asoleya'l compromisu col Mediuambiente de les empreses d'economía social xixoneses

Votos

(Total de votos recibidos 144)

(Puntuación 3,01)

Un estudiu sofitáu pol Ayuntamientu asoleya'l compromisu col Mediuambiente de les empreses d'economía social xixoneses
L'informe destaca que cuasi toles empreses entamen iniciatives de RSC, empobinaes a aumentar el so prestixu e imaxe, anqu'hai dos torgues perimportantes: la falta de tiempu y de recursos financieros y humanos.
El presidente de l'Asociación d'Agrupaciones Asturianas de Trabayu Asociáu (ASATA), D. Agustín Gonzáles Prado, presentó l'estudiu La Responsabilidad Social Corporativa en las Empresas de Economía Social del municipio de Gijón (La Responsabilidá Social Corporativa nes Empreses d'Economía Social del municipiu de Xixón), fechu por cuatro profesores de les Universidaes d'Uviéu y Lleón. Nel actu, cellebráu na sede d'ASATA, participó l'alcaldesa de Xixón, Dª Paz Fernández Felgueroso y una de les sos autores, Dª Leticia Santos. Pal muestréu, fechu ente xunu y setiembre de 2006, consideráronse 39 empreses del conceyu. Bayura d'empreses d'economía social en Xixón céntrense na estaya de Servicios y el so volume de negociu nun pasa de los 600.000 euros. Nenguna de les empreses encuestaes quier amenorgar les sos actividaes de RSC. Al revés, al rodio de la metá camienten incrementales. Na so opinión, les perspeutives de futuru son perbones. L'estudiu, espublizáu en formatu llibru, señala qu'un terciu de les empreses del muestréu tienen una conocencia llimitada d'estes práutiques. No que cinca a éstes, un 31 por cientu entamen iniciatives na estaya de mediuambiente, un 90 por cientu na estaya interna y el 100 por cientu desendolquen aiciones de tipu esternu, como la creación de servicios post venta La Responsabilidá Social Corporativa (RSC) ye una estratexa qu'ufierta una ventaxa competitiva a les empreses qu'entamen estes actividaes, anque nun seya mui conocía poles de tamañu pequeñu o micropymes. Poro, esti llibru ye una ferramienta pa pasar de les torgues a les ventaxes de les empreses. Ún de los factores mas rellacionaos con esti tipu d'empreses ye la estabilidá nel emplegu. En concreto, ASATA ta formada por 110 empreses, con volume de negociu de más de 90 millones d'euros. González Prado señaló que Xixón ye'l municipiu asturianu con mayor númberu d'empreses d'economía social, al rodio de 500 d'un total de 700. Éstes xeneren 5.000 emplegos direutos, de los 7.0000 orixinaos na estaya rexonal.