Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

L'indiz de siniestros en Xixón descendió al 1,94 %

Votos

(Total de votos recibidos 89)

(Puntuación 3,00)

L'indiz de siniestros en Xixón descendió al 1,94 %
Tres cinco años de controles d'alcohol y velocidá, se rebaxa a la mitá'l númeru de víctimes
L'indiz de siniestralidá baxó dende qu'entamó'l plan de choque desendolcáu per aciu de la Policía Llocal de Xixón. Dafecho, pasóse d'un porcentaxe de siniestralidá d'un 3,02 a un 1,94%. La conceyala Dª Begoña Huergo, responsable municipal de Seguridá Ciudadana y Tráficu, rellaciona esti descensu nel indiz de siniestralidá nos accidentes de tráficu de la ciudá, col Plan de Choque entamáu pol Ayuntamientu en xineru de 2002. Nel citáu Plan, aumenten los grandes controles nos que los axentes de la Policía Llocal faen coincidir la prueba d'alcoholemia coles mediciones de velocidá y la comprobación de la documentación y de los vehículos. Sólo nel añu caberu se produxeron en Xixón 1.801 accidentes de circulación, con únicamente 35 víctimes graves o mortales. La conceyala de Seguridá Ciudadana recordó que'l Plan de Movilidá refuerciaráse anguaño, asitiando cuatro radares fixos nos accesos a la ciudá. Nel primer trimestre del añu tamién tarán operatives les nomaes "zones 30", onde destaca la movilidá de los peatones sobre la de los vehículos. Otra de les novedaes del Área de Tráficu na ciudá foi la instalación de diez nueves cámares de televisión pa controlar les víes públiques. Estes cámares tarán nos puntos que citamos darréu: Plaza del Carmen - Esquina de la Caxa d'Aforros;Marqués de San Esteban - Pedro Duru; Avenida de la Costa - San Bernardu; Avenida del Llanu - Pintor Manuel Medina; Anselmu Solar - Poeta Ánxel González Muñiz; Glorieta de Viñáu; Avenida de la Constitución con Velázquez; Avenida de los Campones - Bertold Brecht; Avenida de l'Arxentina - Arquitectu Marianu Marín Magallán; Avenida del Molinón - Carretera Villaviciosa. En resume, faense realidá les afirmaciones feches pola conceyala xixonesa de Seguridá Ciudadana: "La intención de nueso empobínase a reducir los accidentes", fecho qu'amuesa esti descensu al 1,94%.