Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Presentáu'l proyeutu definitivu de penetración del Metrotrén en Xixón

Votos

(Total de votos recibidos 139)

(Puntuación 3,03)

Presentáu'l proyeutu definitivu de penetración del Metrotrén en Xixón
Tá dispuesta la llicitación del proyeutu Constructivu de la Prollongación del nuevu túnel hasta Cabueñes (tramu Viesques-Cabueñes).
El Metrotrén de Xixón entamará a funcionar n'acabante la construcción de la Estación Intermodal d'Autobuses. L'entamu de les obres espérase pal añu 2008, acordies colos datos del Conseyu d'Alministración de la Sociedá Xixón al Norte, que xestiona la urbanización de terrenos ferroviarios. La so venta sofitará'l soterramientu de les víes. Morlán nun quixo dar plazos d'execución del proyeutu. La Estación Intermodal d'Autobuses, sofitada pol Principáu d'Asturies, entamará a construise nel primer semestre del añu 2008 y les alministraciones comprometiéronse a acurtiar los plazos. El Metrotrén entamará a funcionar nel túnel que se fizo ente El Humedal y La Guía, ensin vese afeutáu poles obres de prollongación a Cabueñes, nun final de percorríu que-y da racionalidá a tola infraestructura. Les estaciones de Plaza Europa y d'El Bibio tienen fecha de finalización n'agostu d'esti añu, mentanto que'l proyeutu informativu del tramu a Cabueñes saldrá a esposición pública dientro de 30 díes y el proyeutu constructivu de la supresión de la barrera ferroviaria espérase pal primer trimestre de 2008. El conseyu d'Alministración de Xixón al Norte aprobó l'ampliación del plan especial d'urbanización de la zona ocupada por víes, al rodio de 500 metros enantes del fin del percorríu ferroviariu actual, que permite rescatar 23.700 metros cuadraos de suelu pa espacios verdes y equipamientos deportivos. El organismu conseñó amás que la Estación Intermodal d'Autobuses tien de ser un referente urbanu representativu y camentó la propuesta d'amenorgar a no más de 30 plantes l'altor de les tres torres que se proyeuten facer soterrraes. La futura Estación Intermomdal d'Autobuses de Xixón sedrá permeable, nun separará barrios y la so disposición nun sedrá torga pa que, nun futuru, si hai perres, se puea siguir soterrando les víes en direcición pa Veriña.