Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Aniciada la señalización de les nueves 'zones 30'

Votos

(Total de votos recibidos 67)

(Puntuación 2,97)

Aniciada la señalización de les nueves 'zones 30'
Nel centru de Xixón los vehículos nun podrán superar los 30km/h de velocidá, acordies col Plan de Movilidá del Ayuntamientu.
La Conceyalía de Seguridá Ciudadana anició la señalización de les nomaes 'zones 30', nes que los vehículos nun puen pasar esa velocidá. Esta ye una de les midíes del Plan Municipal de Movilidá que tamién inclúe la instalación de radares fixos de velocidá nes víes más conflictives. L'oxetivu de les zones 30 ye dar prioridá a los viandantes en determinaes cais céntriques, p'amaenorgar la siniestralidá. Fadráse en toles cais del centru, comprendíes ente Munuza, San Bernardu, Domínguez Xil, Moros, Xovellanos, Cabrales ya'l Muelle. Les señales son horizontales; xuniéndose les verticales nes selmanes que vienen. Les 'zones 30' son unu de los principales proyeutos del Plan de Movilidá de Xixón, dotáu anguaño con 350.000 euros, de los que s'empobinarán 20.000 a les 'zones 30'. El restu del presupuestu divídese ente'l control d'accesu a la plaza del Institutu (30.000 euros) y la instalación de los dos radares de control de velocidá (300.000 euros) que s'instalarán, cuasi de xuru, nes entraes y salides de la ciudá. Arriendes d'esto, el Plan de Movilidá entamó midíes como'l multamóvil o l'estudiu de cambeos nes zones de carga y descarga de la ciudá, asina como un plan efeutivu na vixilancia d'eses zones. La Conceyalía de Tráficu y Seguridá Ciudadana sigue coles sos campañes de control de velocidá y d'alcohol; gracies a too ello la siniestralidá baxó na ciudá un 75% dende 2001